«Заманауи кітапхана: өнімділік пен әлеуметтік оптимизм бағыты» тақырыбындағы XVI Халықаралық ассистивтік қызметтер мектебі

«Заманауи кітапхана: өнімділік пен әлеуметтік оптимизм бағыты» тақырыбындағы XVI Халықаралық ассистивтік қызметтер мектебі

2026 жылғы 2–3 маусым күндері Ресей Федерациясының Жаңасібір қаласында «Заманауи кітапхана: өнімділік пен әлеуметтік оптимизм бағыты» тақырыбындағы XVI Халықаралық ассистивтік қызметтер мектебі өтті.

Іс-шараға Қазақстан, Ресей және Қырғызстаннан арнайы кітапханалардың мамандары мен инклюзивті қызмет көрсету саласының сарапшылары қатысты.

Қазақстан Республикасының Зағип және нашар көретін азаматтарға арналған республикалық кітапханасынан уақытша директор міндетін атқарушы Кенжебекова Жамал Қиянқықызы және кітапханашы Полянный Евгений Иванович қатысты. Олар кітапхананың инклюзивті қызмет көрсету саласындағы тәжірибесі мен даму перспективалары туралы баяндамалар жасады.

Іс-шара барысында көру қабілеті бұзылған адамдарға қызмет көрсетудің заманауи тәсілдері, ассистивтік технологиялар мен жасанды интеллектті қолдану мәселелері талқыланды. Талқылаулар халықаралық тәжірибе алмасуға және кәсіби ынтымақтастықты нығайтуға мүмкіндік берді.