«Наурыз мейрамы» көктем мерекесіне арналған «Наурыз шуағы» әдеби-сазды кеші

Наурыз шуағы

Көктемнің жарқын мерекесі Ұлыстың Ұлы күні Наурыз мейрамына орай ағымдағы жылдың 20 наурыз күні Зағип және нашар көретін азаматтарға арналған республикалық кітапхана Ұлыстың ұлы күні мерекесіне орай « Наурыз шуағы» атты мерекелік кеш өткізді.

Жыл өткен сайын Наурыз мейрамы елімізді мекендеген бүкіл халықтың сағынып күтетін ортақ мерекесіне айналып, жаңа мазмұнмен, жарасымды сән-салтанатымен түрленіп келеді.

Іс-шараның мақсаты: Табиғаттың жаңаруын дәріптеу – көктемнің келуімен жаңа өмірдің басталуын атап өту;

Бірлік пен ынтымақты күшейту – адамдарды жақындастырып, татулыққа шақыру.

Кеш барысында кітапхана директоры Байұзаков А.Қ. жиналған барша қауымды наурыз  мерекесімен  құттықтап, ақжарма тілегін білдірді.

Іс-шараға «Жамбыл аудандық мәдениет үйі», «Қаскелең мәдениет колледжі» және  Қазақстан Республикасының «Салтанат» мемлекеттік би ансамблінің өнерпаздары қатысты.

Оқырмандар шара соңында Наурыз мейрамына орай дайындалған «Наурыз-көже» мен бауырсақтан дәм татты, барлығы 91 адам.

Гүлназ Даржанова,  өнер және спорт әдебиеттері  бөлімің басшысы