Композитор, дирижер, домбырашы, Қазақ КСР-нің еңбек сіңірген әртісі, КСРО халық әртісі, «Халық қаһарманы» Нұрғиса Тілендиевтің туғанына 100 жыл толуына орай мультимедиалық дәстүр кеші

Күй – Құдірет, Күй – Кие 

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен  2025 жылдың 28 наурыз күні кітапхананың жеке қызмет көрсету бөлімі залында композитор, дирижер, домбырашы, Қазақ КСР-нің еңбек сіңірген әртісі, КСРО халық әртісі, «Халық қаһарманы» Нұрғиса Тілендиевтің туғанына 100 жыл толуына орай мультимедиалық дәстүр кеші өтті.

Мақсаты: Күйшінің өмірі және шығармашылығымен таныстырып, түсінік беру. Өнерді сүюге құрметтей білуге, рухани адамгершілік құндылықтарды әсемдік арқылы, көркем мәдениет арқылы қалыптастыру.

Қазақ музыкасының жарық жұлдызы, әйгілі сазгер, дәулескер күйші Нұрғиса Тілендиев жөнінде айтылар жылы сөз, сағынышқа толы сырлар қашанда таусылмақ емес. Оқырмандар  өнер иесінің туындыларын тыңдап, өмірбаянымен, шығармашылығымен танысты және Нұрғиса Атабайұлы жайлы арнайы дайындалған бейнебаян көрсетілді. Нұрғиса Тілендиевтің туғанына 100 жыл толуына орай мультимедиалық дәстүр кешке ҚР Мәдениет саласының үздігі, күйші-композитор Күшікбаев Дүйсебай Шаштайұлы және композитор, республикалық композиторлар байқауларының лауреаты, ІІ дүркін Гран-При иегері, дәулескер домбырашы, Қазақстан композиторлар одағының мүшесі, «Мәдениет қайраткері», Қазақстанның еңбек сіңірген қайраткері Ермұрат Үсенов қонаққа келді. Күйшінің  өмірін баяндай отырып, қонақтар Нұрғиса Тілендиев туралы терең тоқталып, естеліктер айтты. Қонақтарды кітапхана оқырмандары мен Қазақ ұлттық қыздар педагогикалық университетінің студенттері өте жылы қабылдады. Мультимедиалық дәстүр кешінде кітапхана директоры Асхат Құсайынұлы Байұзақов бүгінгі  кештен алған әсерін, жылы лебізін білдіріп,  келген қонақтарға алғыс білдірді. Кеш соңында қонақтар естелік фотоға түсті. Кеш қонақтары мультимедиалық дәстүр кештің  тартымды өткеніне дән риза болып тарасты.

Шараға 57 оқырман қатысты

Назым Момбекова, Өнер және спорт әдебиеттері бөлімінің қызметкері