Ұлыстың ұлы күні мерекесіне орай  «Күлімде, Наурыз күлімде» атты әдеби-сазды кеш

Күлімде, Наурыз күлімде

Ағымдағы жылдың 20 наурыз күні Зағип және нашар көретін азаматтарға арналған республикалық кітапхана Ұлыстың ұлы күні мерекесіне орай  Күлімде, Наурыз күлімде атты әдеби-сазды кеш өткізді.

Іс-шараның мақсаты: Қазақстан жерінде бейбітшілік пен достықты нығайту, ұлттық бірегейлікті сақтау, отбасылық құндылықтарды дәріптеу, қоршаған ортаға ұқыпты қарауды қалыптастыру.

Кеш қонақтарға  мерекеге орай шашу шашудан басталды.

Кітапхана директоры Байұзаков А.Қ. жиналған барша қауымды наурыз  мерекесімен  құттықтап, жылы лебізін білдірді.  Іс-шараға мүмкіндігі шектеулі өнерпаздар орталығы «Еркеле» қоғамдық қорының өнерпаздары  Шахарбек Айдана «Мерекем», Игисинова Дариға «Ақжайнақ», Ешнияз Динара «Көкке өрле», Қуанышқалиев Асылбек «Аман болайық бәріміз»,  Ахмет Жұбанов атындағы дарынды балаларға арналған республикалық қазақ мамандандырылған музыка мектеп-интернатының 5 сынып оқушысы Жилибай Нурдана «Туған өлке» және 4 сынып оқушысы Жилибай Бақыт «Толағай» әндерін, «Қамажай» биін,  Темірбек Жүргенов атындағы Қазақ ұлттық өнер академиясының 3 курс студенті әнші Ақерке Амалят «Мен қазақпын», «Қараторғай» әндерін орындады.

Оқырмандар шара соңында Наурыз мейрамына орай дайындалған «Наурыз-көже» мен бауырсақтан дәм татты, барлығы 95 адам.

Назым Момбекова,  өнер және спорт әдебиеттері  бөлімің қызметкері