көрнекті ақын Тұманбай Молдағалиевтің 90 жылдығына арналған поэзиялық кеш

Жүрегі жырдан жаралған

2025 жылдың 13 наурызында Зағип және нашар көретін азаматтарға арналған республикалық кітапханасында көрнекті ақын Тұманбай Молдағалиевтің 90 жылдығына арналған поэзиялық кеш өтті. Шараның тақырыбы – «Жүрегі жырдан жаралған», бұл ақын шығармашылығының мәнін толықтай ашып, оның жүрегінің өлеңнен жаралғанын айқындайды.

Іс-шараның мақсаты – Тұманбай Молдағалиевтің өмірі мен шығармашылығын насихаттау, оның қазақ әдебиетіне қосқан үлесін дәріптеу, сондай-ақ көпшілік арасында ақын туындыларына деген қызығушылықты ояту.

Кеш қонақтары:

– «Армандастар» вокалды-аспаптық ансамблі ақын өлеңдеріне жазылған әндерді орындап, тыңдаушыларға ерекше рухани әсер сыйлады.
– Ж. Елебеков атындағы Алматы эстрадалық-цирк өнері колледжінің студенттері ақын өлеңдеріне негізделген монологтарды жүрекке жеткізе оқып, оның жырларының терең мағынасын паш етті.

Шараға 45 адам қатысты