8 наурыз – Халықаралық әйелдер күніне арналған «Аяулы әже, ардақты ана, ару қыз» атты әдеби-сазды кеш

Аяулы әже, ардақты ана, ару қыз 

Ағымдағы жылдың 6 наурыз күні Зағип және нашар көретін азаматтарға арналған республикалық кітапхана Н.Островский атындағы Қазақ соқырлар қоғамы мәдениет үйімен бірлесе «Аяулы әже, ардақты ана, ару қыз» атты 8 Наурыз – Халықаралық әйелдер күніне орай әдеби-сазды кеш өткізді.

Іс-шараға кітапхананың белсенді оқырмандары мен қызметкерлері, Қазақ зағиптар қоғамы мүшелерінен құралған «Қаламқас» вокалды тобы, мүмкіндігі шектеулі өнерпаздар орталығы «Еркеле» қоғамдық қоры қатысты.

Іс-шараның мақсаты: Әйелдердің қоғамдағы маңызды рөлін тағы да ұлықтау.

Әлемге әсемдік сыйлаған қиындықтарды жеңіп, өмірдің сәні, үй мен қоғамның тірегі болған әрбір әйелдің еңбегі мен махаббаты бағалануы тиіс.

Іс-шараға барлығы  91 оқырман қатысты.

Даржанова Г.Т., өнер және спорт әдебиеттері бөлімінің басшысы