News & Events
Қазақ жазушысы, баспагер, Қазақстан Республикасының Мемлекеттік сыйлығының лауреаты, кітап авторы Әлібек Асқаровтың қатысуымен «Стон дикой долины» нүктелі-бедерлі қаріпте шығарылған кітаптың тұсаукесері өтті.
- 13.01.2025
- Posted by: RBNSG
- Category: Жаңалықтар

«Стон дикой долины» нүктелі—бедерлі қаріпте шығарылған кітаптың тұсаукесері
2025 жылдың 10 қаңтарында зағип және нашар көретін азаматтарға арналған Республикалық кітапханада қазақ жазушысы, баспагер, Қазақстан Республикасының Мемлекеттік сыйлығының лауреаты, кітап авторы Әлібек Асқаровтың қатысуымен «Стон дикой долины» нүктелі-бедерлі қаріпте шығарылған кітаптың тұсаукесері (жоспардан тыс) өтті.
Шараның басты мақсаты – оқырмандарды қазақ жазушысы Әлібек Асқаровтың шығармашылығымен таныстыру; зағиптар үшін арнайы нүктелі-бедерлі қаріпте жаңа жарияланымдарды басып шығару.
Жазушы Әлібек Асқаровтың есімі қазақ оқырманына, сонымен қатар аудармаларының арқасында елімізден тыс орыстілді қауымға да жақсы таныс. Бүгінде оның кітаптары Қазақстанның заманауи әдебиетінің теңізінде адастырмайтын шамшыраққа айналды. Ал әйгілі «Жабайы алқаптың мұңы» романы жақында қайта басылып, мектептерде оқуға ұсынылды.
Бұл шығарманың ауқымы — кеңестік кезеңнің соңы және Қазақстан тәуелсіздігінің алғашқы жылдарында орын алған оқиғаларды философиялық тұрғыда қабылдаудың тереңдігінде, тамаша сюжеттерінде, автордың ой-пікірінің тазалығы мен өткірлігіне негізделген. Жазушының кейіпкерлеріне деген сүйіспеншілігі оларды оқырманға жақын етіп, жүрегінен орын алдырып, бір уақытта мұңайтып, бір уақытта күлдіреді.
Шараға оқырмандар мен кітапхана қызметкерлері қатысып, кітап пен жазушының өмір жолына қатысты сұрақтарын қойды.
Іс-шараға 30 адам қатысты.