«Әлеуметтік интеграция: Қазақстан арнайы кітапханаларының жаңа перспективалары мен жобалары» атты республикалық онлайн-семинары 

«Әлеуметтік интеграция: Қазақстан арнайы кітапханаларының жаңа перспективалары мен жобалары» атты республикалық онлайн-семинары 

      2024 жылы 13 қарашада сағат 10:00-да Зағип және нашар көретін аазаматтарға арналған республикалық кітапханада  «Әлеуметтік интеграция: Қазақстан арнайы кітапханаларының жаңа перспективалары мен жобалары» атты республикалық онлайн-семинары өтті. Семинар Қазақстан Республикасында арнайы кітапханалар желісінің құрылғанына 55 жыл толуына және көру қабілеті нашар адамдарға арналған қазіргі заманғы нүктелі-бедерлі жазу жүйесінің негізін қалаушысы, француз тифлопедагогі Луи Брайлдің туғанына 215 жыл толуына арналды.

Онлайн семинарға Қазақстан Республикасының зағип жандарға арналған арнайы кітапханалары және мүмкіндігі шектеулі жандарға қызмет көрсететін бөлімшелері қатысып, Ақтөбе, Орал, Өскемен, Көкшетау, Шымкент, Алматы, Атырау, Жамбыл қалаларының арнайы кітапханалары мен оқу орындарының қызметкерлері баяндама жасады.

Баяндамалар арасында «Кітапхана жобасының қызметі: даму тенденциялары», «Арнайы кітапхана – әлеуметтік алаң», «Арнайы кітапханадағы инклюзивті қызмет», «Білім беру үдерісіндегі әлеуметтік жобалар», «Жаңа перспективалар және зағип жандардың қоғамға араласуына мүмкіндік беретін арнайы кітапханалардың жобалары», «Кітапханамен әлеуметтік серіктестік. «Сөйлейтін кітап» жобасы, «Кітапхана толқынында 55 жыл», «Арнайы кітапхананың баспа қызметі – арнайы оқырмандар арасында кітап оқуды насихаттау құралы ретінде», «Тұңғиықтағы өмір. Француз тифлопедагогы, көзі нашар көретіндерге арналған рельефті-нүктелік жазудың заманауи жүйесінің негізін қалаушы Луи Брайльдің өмірбаяны», «Мүгедектердің өміріндегі арнайы кітапхананың рөлі».

«Ерекше жандарға – Ерекше кітаптар» атты кітап көрмесіне зағиптар мен нашар көретін азаматтарға арналған республикалық арнаулы кітапханасы шығарған  бедерлі нүктелі Брайль шрифтімен жарық көрген жаңа кітаптар қойылды.

Семинардың қатысушылары алғыс хаттармен марапатталды.