Қазақстан Республикасының Мәдениет қайраткері, «Еңбек ардагері» төсбелгісінің иегері, белгілі күйші — Аманғалиев Жоламан Аманғалиұлының шығармашылық кеші өтті

Өмірін өрген өнермен

Зағип және нашар көретін азаматтарға арналған республикалық кітапханасында күйшілік өнерді насихаттап, ұрпағымызды ұлттық рухта тәрбиелеу мақсатында Қазақстан Республикасының Мәдениет қайраткері, «Еңбек ардагері» төсбелгісінің иегері, белгілі күйші — Аманғалиев Жоламан Аманғалиұлының шығармашылық кеші өтті.

Шара барысында күйшінің өнер жолына қызыққан оқырмандар сұрақтар қойып, ғибратты ғұмырынан сыр шертілді.

Сонымен қатар, Республикалық Күйшілер одағы қоғамдық бірлестігінің Алматы филиалының төрағасы — Талап Қараш, «Өнер өрімдері» әдеби-мәдени клубының мүшесі Айша Садырбаева және Қазақ соқырлар қоғамына қарасты «Ата мұра» халық-аспаптар ансамблі күй ойнап, әннен шашу шашты.

Шараға Әлем Халықтары Жазушылары одағының төрағасы – Гүлхан Айтақынқызы қатысып, сөз сөйлеп, одақтың 10 жылдығына орай басылып шыққан Қайрат Дүйсен-Парманның «Серпін» өлеңдер жинағын кітапхана қорына табыстады.

Шараға 60 адам қатысты.