Қазақстанның халық әртісі, әнші Жүсіпбек Елебековтің туғанына 120 жыл толуына арналған «Арқалы әнші» сазды кеші

Арқалы әнші

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен  2024 жылдың   27 тамыз  күні  кітапхананың жеке қызмет көрсету бөлімінде  Қазақстанның халық әртісі, әнші Жүсіпбек Елебековтің 120 жылдығына орай дәстүрлі ән кеші өтті.

Іс-шараның мақсаты:

ҚР Мемлекеттік сыйлығының лауреаты, Халық әртісі, тенор әнші Жүсіпбек Елебековтің шығармашылық жолын насихаттау.

Жүсіпбек Елебековтың шығармашылығы көп қырлы. Ол халқымыздың ән өнерінің жарқын беттерінде сөнбейтін жарық жұлдызына айналып оның атақ-даңқын биікке көтерген, бүкіл қазақ даласын, оның әр тасы мен жылғасы, әр ауылына дейін әнге көмген, халқы мен жерін әнге бөлеген өнер тарланы.

Шарада Жүсіпбек Елебековтың 120 жылдығына орай өмірі мен шығармашылығы жөнінде деректі фильм көрсетілді.

Ән кешіне Алматы облысы Тұздыбастау ауылы мәдениет үйінің директоры, «Мәдениет саласының үздігі», дәстүрлі әнші, сазгер Мұратбек Рахманқұлұлы  Сарыбасов қатысып, Жүсіпбек Елебековтың «Құлагер», «Сегіз аяқ», «Сұржекей» әндерін орындап, көпшіліктің көңілінен шықты.

Әншінің  өмірін баяндай отырып жүргізілген кешті қонақтар жылы қабылдады.

Шараға 33 оқырман қатысты.

Назым Момбекова, өнер және спорт әдебиеттері бөлімінің қызметкері