«Есіңе мені алғайсың» атты Қазақстан Республикасының еңбек сіңірген әртісі, Қазақ КСР-нің еңбек сіңірген әртісі, сахна сандуғашы Мәдина Ералиеваның туғанына 70 жыл толуына орай еске алу кеші өтті

                                               Есіңе мені алғайсың

2024 жылдың 1 тамыз күні кітапхананың жеке қызмет көрсету бөлімінде  «Есіңе мені алғайсың» атты Қазақстан Республикасының еңбек сіңірген әртісі, Қазақ КСР-нің еңбек сіңірген әртісі, дүниежүзілік жастар мен студенттер фестивалінің лауреаты, қайталанбас дара тұлға, сахна сандуғашы Мәдина Ералиеваның туғанына 70 жыл толуына орай еске алу кеші өтті.

Іс-шараның мақсаты:

«Ән әлемінің Ақбаяны» атанған Қазақстанның еңбек сіңірген әртісі Мәдина Ералиеваны еске алып, шығармашылығын насихаттау.

Шара барысында кітапхана оқырмандарына Мәдина  Ералиеваның өмірі мен шығармашылығы жайында бейнебаян көрсетілді. Еске алу кешінде Қазақ зағиптар қоғамының өнерпаздары, мүмкіндігі шектеулі өнерпаздар орталығы «Еркеле» қоғамдық қорының мүшелері, кітапхана қызметкерлері мен оқырмандары өнер көрсетті.

Іс-шараға барлығы 25 оқырман қатысты.

Өмірін өнермен өрнектеген Мәдина Ералиева халқымыздың ұлттық ән өнерін насихаттауға елеулі үлес қосып, өзіндік бітім-болмысымен халық жадында қала бермек.

Гүлназ Даржанова,  өнер және спорт әдебиеттері  бөлімінің жетекшісі