«Волк и семеро козлят» тифлотүсініктемемен ертегісі 

2024 жылдың 11 шілде күні «Зағип және нашар көретін азаматтарға арналған республикалық кітапхана» республикалық мемлекеттік мекемесінің өнер және спорт әдебиеттері бөлімінің  қызметкерлері жазғы демалыс аясында Алматы қаласындағы «№124 көру және сөйлеу қабілеті бұзылған балаларға арналған мектепке дейінгі арнайы ұйымы» коммуналдық мемлекеттік мекемесіне барып «Қасқыр мен жеті лақ»  атты ертегісін тифлотүсініктемемен көрсетті.

Ертегінің мақсаты:  Балаларға ертегі көрсету арқылы қиялдауға, шешен сөйлеуге, өз ойын еркін жеткізуге және қайратты істер жасауға жұмылдыру.
Төзімділікке, адамгершілікке, бірлесе жұмыс істеуге, жақсы қасиеттерді бойына сіңіруге тәрбиелеу. Ертегілерді оқуға деген қызығушылығын ояту. Ертегіні көрсете отырып ертегі кейіпкерлерінің бейнесі, іс-әрекеті балалармен  әңгімелесу арқылы жүзеге асты. Ешкінің  аянышты жағдайы, қасқырдың  лақтарға жасаған қиянаты арқылы балалар  жақсылық пен жамандықты ажырата алды.

Ешкінің ақыл айламен қасқырды жеңіп, лақтарын құтқаруы балаларды бір отбасы, бір үйде тұратындар  бір-біріне көмектесу,  бауырмалдыққа, береке бірлікте болуды үйретті.

Шараға 14 бала  қатысты.

Назым Момбекова,  өнер және спорт әдебиеттері бөлімінің қызметкері