Өлең өрдім өмірдің өзіндейін

Өлең өрдім өмірдің өзіндейін

2024 жылдың 26 маусым күні Зағип және нашар көретін азаматтарға арналған республикалық кітапханада «Талаптың мініп тұлпарын» атты ЖОБА аясында зағип ақын Әбетхан Тоқтағанның «Өлең өрдім өмірдің өзіндейін» атты кітабының тұсаукесеріне арналған шығармашылық кеш өтті.

Шығармашылық кеш Қазақ зағиптар қоғамының құрметті мүшесі, Әлем халықтары Жазушылар одағының мүшесі – Әбетхан Тоқтағанның жаңа туындысымен оқырмандарды таныстыру мақсатында ұйымдастырылды.

Кеште кітапхана жанынан құрылған «Өнер өрімдері» әдеби-мәдени клубының мүшелері, «Алатау» дәстүрлі өнер театрына қарасты — көру және есту мүмкіндігі шектеулі жандардың демалысын ұйымдастыру бөлімінің өнерпаздары қатысып, өнерлерін ортаға салып, көпшілік қошеметіне бөленді.