ҰЛТТЫҚ ДОМБЫРА КҮНІНЕ АРНАЛҒАН Н. ОСТРОВСКИЙ АТЫНДАҒЫ ҚАЗАҚ ЗАҒИПТАР ҚОҒАМЫНЫҢ МӘДЕНИЕТ ҮЙІНДЕ «ДОМБЫРА ДАСТАН» КОНЦЕРТІ

                                              Домбыра-дастан

2024 жылдың 3 шілде күні Н.Островский атындағы Қазақ зағиптар қоғамы мәдениет үйінде «Домбыра-дастан» атты Ұлттық домбыра күніне орай концерттік бағдарлама өтті.

Шараның мақсаты:

Қазақ халқының ұлттық музыка мәдениетін жастар арасында кеңінен насихаттап, оны жаңғыртуға және сақтауға тәрбиелеу.

Іс-шараны ұйымдастырушылар: «Зағип және нашар көретін азаматтарға арналған республикалық кітапхана» РММ, Қазақ зағиптар қоғамының «Жылы ұя» оңалту орталығы,  Алматы қаласы республикалық Достық үйі,  Respublica партиясының қалалық филиалы.

Шараға Алматы қаласы  Білім басқармасының «№ 4 арнайы мектеп-интернаты» КММ  жанынан құрылған «Наркескен»  оқушылар ансамблі, Қазақ зағиптар қоғамы «Жылы ұя» оңалту орталығының домбырашылар ансамблі, «Мұрас Қырғыз» этно мәдени бірлестігі, Қазақстанның орыс, славян және казак ұйымдарының қауымдастығы, Қазақстанның Ұйғырлар республикалық этно бірлестігі, Зағип және нашар көретін азаматтарға арналған республикалық кітапхана қызметкерлері, оқырмандары, Алматы қаласы ЖОО студенттері, және іс-шарамыздың арнайы қонағы Respublica партиясының мәжіліс депутаты Нұргүл Тау ханым қатысты.

Домбырам жүрегіммен үндес едің

Сенімен сырласымдай тілдесемін

Бабамнан қалған мұрам сен болмасаң

Өнердің не екенін білмес едім-демекші шара қатысушылары ән мен күйден шашу шашып, «домбыраның құдіреті» жайында өлеңдер оқыды.

Кештің арнайы қонағы Respublica партиясының мәжіліс депутаты Нұргүл Тау ханым, кітапхана директоры Байұзақов Асхат Құсайынұлы,  Қазақ зағиптар қоғамы Алматы филиалы төрайымы Ибрагимова Алтынай Қоңыратбаевна мерекемен құттықтап, ізгі тілектерін жолдады.

Іс-шараға 57 оқырман қатысты.

Назым Момбекова,   өнер және спорт әдебиеттері  бөлімінің қызметкері