Студенттердің дипломдық жұмысы тақырыбы бойынша көрсетілген әдістемелік, библиографиялық қызмет

Ағымдағы жылдың 24 мамырында «ЗНКААРК» РММ-нің Кітапхана ісін дамыту, библиография және тифлология бөлімінің қызметкері Шамшиева Зарина ҚазҰҚызПУ «Кітапхана ісі – 6В 03201» мамандығының 4 курс студенттеріне кітапхананың «Сөйлейтін» және Брайль кітаптарын шығару бөлімі мен «Кітапхана ісін дамыту, библиография және тифлология» бөлімдерін таныстырды. Өзі қызмет көрсететін бөлім жұмысы туралы оларға толықтай айтып беріп, сұрақтарына жауап берді. Кітапханаға келген студенттердің басты мақсаты – дипломдық жұмыстарының тақырыбына яғни, «Инклюзивті ақпараттық ортаны қалыптастыру бойынша кітапхананың әдістемелік қызметі» тақырыбына қатысты мәлімет алу болатын. Осы орайда кітапхана қызметкері бөлімде шығарылатын әдістемелік құралдар, ұсыныстық-библиографиялық көрсеткіштерді студенттер назарына ұсынды және библиографиялық анықтама берді. Сондай-ақ, оңалту кабинетінің жұмысымен таныстырып, ондағы Брайль алфавиті, НБҚ (нүктелі-бедерлі қаріптегі) әдебиеттер, БГҚ (бедерлі-графикалық құралдар) және тактильді кітаптар туралы айтып берді.