Қазақ поэзиясының құлагері

2024 жылдың 13 мамыр күні Зағип және нашар көретін азаматтарға арналған республикалық кітапханасында «Қазақ поэзиясының құлагері» тақырыбында қазақ ақыны, драматург, прозаик, фельетоншы, сатирик, журналист, аудармашы және қоғам қайраткері, Қазақстан жазушылар одағының тұңғыш төрағасы — Ілияс Жансүгүровтің туғанына 130 жыл толуына арналған поэзия кеші өтті.

Кеш Ілияс Жансүгіровтің өмірі мен шығармашылық жолын насихаттап, жастарға Ілияс Жансүгіровтің  еңбектерінің  маңыздылығын көрсету мақсатында өткізілді.

Шара барысында жазушының өмірі және шығармашылығы жайында бейнероликтер көрсетіліп, Кітап қорын сақтау және абонемент бөлімінің қызметкерлері кітапхананың кітап қорындағы кітаптарды виртуалды көрме ретінде таныстырып, қазірге дейін қалай жеткен тарихы жайында мағлұмат берілді. Сонымен қатар, Кітапхана ісін дамыту, библиография және тифлология бөлімінің екі тілде шығарған биобиблиографиялық көрсеткішіне шолу жасалды.

Кітапхананың баспасөз қызметі