9 мамыр Жеңіс күніне арналған «ешкіміміз ешқашанымыз ұмытылмасы» әдеби-сазды кеші

Ешкім ешқашан ұмытылмайды

Мамыр айының алтыншы  жұлдызында Зағип және нашар көретін азаматтарға арналған республикалық кітапхананың өнер және спорт әдебиеттері бөлімінің ұйымдастыруымен Н. Островский атындағы Қазақ соқырлар қоғамының мәдениет үйінде 9 мамыр – жеңіс күніне орай  «Ешкім ешқашан ұмытылмайды» атты әдеби-сазды кеш өтті.

Іс-шараның мақсаты:  Жеңіс күні – адамзат аңсап жеткен күн. Ата-бабаларымыздың арқасында жеткен Ұлы Жеңіс күні туралы мәлімет келтіре отырып, әдеби-сазды кеш ұйымдастыру.

Жеңіс күні 9 мамыр – бүкіл дүниежүзі бойынша үлкен мейрам.  Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрамда «Қазақ соқырлар қоғамы» қоғамдық бірлестігінің Алматы қаласы филиалы төрайымы Ибрагимова Алтынай Қоңыратбайқызы сөз сөйледі. Ұлы Жеңіс күніне орай ұйымдастырылған кеште «Жылы ұя» оңалту орталығының ардагерлерден құралған «Соловьи Алатау» хоры, «Қаламқас»  вокалды-аспаптар тобы өнер көрсетті. Ұлы Отан соғысы жылдарында елдің бостандығы мен тәуелсіздігін қорғаған халқымыздың өшпес ерлігін еске алу біздің жүрегімізде, ол ешқашан өшпейді.

Іс-шараға 59 адам қатысты.

Назым Момбекова, өнер және спорт әдебиеттері  бөлімінің қызметкері