ҚАЗАҚ КОМПОЗИТОРЫ, ӘНШІ, АҚЫН КЕНЕН ӘЗІРБАЕВТЫҢ 140 ЖЫЛДЫҒЫНА АРНАЛҒАН «ҚАЙРАН ЖАСТЫҚ» МУЗЫКАЛЫҚ ДӘРІСІ

Қайран жастық

Мамыр айының 2-ші жұлдызында Зағип және нашар көретін азаматтарға арналған республикалық кітапхананың өнер және спорт әдебиеттері бөлімінің ұйымдастыруымен халық ақыны, күміс көмей әнші, композитор Кенен Әзірбаевтың туғанына 140 жыл толуына орай «Қайран жастық» атты әуенді дәріс өтті.
Іс-шараның мақсаты: Қазақ, қырғыз еліне бірден танылған Кенен ақынның өмірі, өнер жолы, шығармашылығын насихаттау.
Мерекелік шарада Т.Жүргенов атындағы Қазақ ұлттық өнер академиясының «Дәстүрлі музыкалық өнер» кафедрасының студенттері қатысты.
Егінбай Азамат Шалқарұлы Кенен Әзірбаевтың «Шынарым, сыңарым» және арнайы дайындап келген Дәнеш Рақышевтің «Қарақат көз Қалқаш-ау» әндерін орындаса, Абдықадыр Тасқын Кенен атамыздың «Көкшолақ» әнін шырқап кештің сәнін келтірді.
Кеште кітапхана оқырмандары Кенен Әзірбаевтың өмірі мен шығармашылығына арналған бейнетаспаны тамашалады. Сонымен қатар кітапхана қорында сақталған күйтабақтан Кенен ақынның өз дауысымен шырқаған «Базар-Назар» әні тыңдалды.
Іс-шарада кітапхана директоры Байұзақов Асхат Құсайынұлы өнерпаздарды Алғысхатпен марапаттады.
Әуенді дәріске барлығы 25 оқырман қатысты.
Қазиева Жазира,өнер және спорт әдебиеттері бөлімінің қызметкері