Өмір туралы рапорт

2024 жылдың 25 қаңтар күні Зағип және нашар көретін азаматтарға арналған республикалық кітапханасында «Өмір туралы рапорт» атты жазушы, ақын, журналист — Саттар Ерубаевтың туғанына 110 жыл толуына орай жазушының шығармаларын оқырмандар арасында насихаттау мақсатында әдеби-танымдық кеш өтті.

Шара барысында Саттар Ерубаевтың өмірі мен шығармашылығы жайында ақпарат екі тілде (мемлекеттік және орыс тілінде) берілді. Саттар Ерубаевтың «Меруерт алқа» балладасынан үзінді оқылып, «Менің құрдастарым» романынан бейнебаян көрсетілді. Оның қазақ әдебиетіне ең алғаш пародия, коммедия жанрларын, балладаны алып келген жазушы ғана емес, өткір мақалалары арқылы халыққа үн қосқан журналист болғаны туралы да ақпарат берілді.

Шара соңында ардагер журналист Жайсанов Әбділпар мырза шараға байланысты өз пікірін айтты.

Аида Айнабекова,

жеке қызмет көрсету бөлімінің кітапханашысы