Қазақтың дарабоз ақыны  

Зағип және нашар көретін азаматтарға арналған республикалық кітапханасының өнер және спорт әдебиеттері бөлімінің ұйымдастыруымен 2023 жылдың 16 қараша күні «Оқитын ұлт» жобасы аясында Қазақстанның Халық жазушысы, ақын, қоғам қайраткері, публицист, Қостанай, және Арқалық қалаларының Құрметті азаматы Ғафу Қайырбековтың туғанына 95 жыл толуына орай «Қазақтың дарабоз ақыны» атты дауыстап оқу сағаты өтті.

Шараның мақсаты: Қазақстан Жазушылар одағының дамуына зор үлес қосқан Ғафу Қайырбековтың өмір жолымен таныстыру.

Елімізде «Ұлттық рухани жаңғыру» идеясын жүзеге асыра отырып, «Оқитын ұлт» жобасы аясында оқырман қауымға ақынның шығармашылығын насихаттау.

Іс-шара барысында оқырмандарға Ғафу Қайырбековтың өмірбаяны  таныстырылып, ақынның өмірі туралы арнайы дайындалған деректі фильм көрсетілді.

Дауыстап оқу сағатында кітапхана қызметкерлері Муханова Торгын «Мұнара туралы ой», Сәтбай Гүлсая «Жыр ұясы», Ержанова Диляра «Келешек күндерге сәлем» өлеңдерін оқыды. Шараға 24 оқырман қатысты.

Торғын Мұханова,

өнер және спорт әдебиеттері

 бөлімінің кітапханашысы