«Ашық есік» күндері

Шараның мақсаты: келушілерді кітапхана қызметімен таныстыру, зағип қызметкерлердің жұмыс орындарын көрсету, кітапханаға жаңа оқырмандарды тарту және кітапханашы мамандығының мәртебесін көтеру.

Айтулы күндері кітапханаға Алматы қаласындағы «Жоғары медициналық колледжі», Қазақ ұлттық университеті, Қазақ ұлттық қыздар педагогикалық университеті, Абай атындағы Қазақ ұлттық педагогикалық университетінің студенттері, Қазақ спорт және туризм академиясының студенттері мен кітапханашылары, Халықаралық Инновациялық Технологиялар университетінің директоры, «Нұр-Мүбәрак» университеті, Қазақ ұлттық аграрлық университетінің кітапханашылары, Республикалық ғылыми-педагогикалық кітапханасы, А.П. Чехов атындағы кітапхана, №4 кітапхана, Alatau Creative Hub кітапханасы, Қазақстан Жазушылар кітапханасы мен Орталықтандырылған кітапханалар жүйесінің қызметкерлері, сондай-ақ, «Билайн» компаниясының қызметкері, қызметкерлері және де «Мысль» журналы мен «Дружные ребята» газетінің редакциясынан журналистер келді.

«Ашық есік» күндері аясында кітапхана фойесінде «ЗНКААРК» РММ-нің кітап қорындағы әдебиеттерден дайындалған «Ерекше жандарға ерекше кітап» көрмесі, «Мәдени мұра» мемлекеттік бағдарламасы аясында дайындалған «ҚР тарихи және мәдени ескерткіштері тактильді кітапта» тактильді кітаптар көрмесі ұйымдастырылды.

Кітапхана бөлімдері бойынша экскурсия жүргізіліп, келушілер жайпақ баспа қаріпті мәтінді Брайль қарпіне аудару және оны пайдаланушылар үшін басып шығару процесімен, зағип мамандардың жұмыс орындарымен (тифлокомплекс) таныстырылды.

Шараға 238 адам қатысты.