Ұлттық сөз өнерінің зергері

Зағип және нашар көретін азаматтарға арналған республикалық кітапханасы 2023 жылдың 8 қыркүйегінде «Өнегелі өмір» жобасы аясында — «Ұлттық сөз өнерінің зергері» — жазушы Оралхан Бөкеевтің туғанына 80 жыл толуына орай дөңгелек үстел өткізді.

Мақсаты: О. Бөкейдің рухына тағзым етіп, шығармашылығын оқырмандар арасында насихаттау. Қаламгердің көзін көрген жолдастарының естеліктерінен көрермендерді хабардар ету.

Шараға белгілі жазушылар:  Әбдешев Заманбек, Қараш Талап, ҚР мәдениет қайраткері – Құмарбеков Бауыржан және «КТК» телеарнасының  Ақпараттық бағдарламалар дирекциясы Орталық редакциясының редакторы — Диас Нұрақын Ермекұлы және «Жас қазақ» газетінің тілшісі — Ноғайбаева Мақпал Махаметқызы қатысты.

Шара барысында келген қонақтар О. Бөкеевпен бірге болған кездеріндегі оқиғаларды әңгімеге арқау етті. Кітапхана қызметкерлері кітап қорындағы О. Бөкейдің шығармалары мен жазушыға арналып жазылған кітаптарға шолу жасап, мерзімді басылым беттеріндегі ақпараттардан хабардар етті.

Шараға 43 адам қатысты.