Төлеген Мұхамеджановтың туғанына 75 жыл толуына  орай «Сазгердің сазды әлемі» атты әуенді дәріс

Зағип және нашар көретін азаматтарға арналған республикалық кітапханасының өнер және спорт әдебиеттері бөлімінің ұйымдастыруымен 2023 жылдың 26 шілде күні  композитор, қоғам қайраткері, Қазақстан Республикасы Мемлекеттік сыйлығының лауреаты  Төлеген Мұхамеджановтың туғанына 75 жыл толуына  орай «Сазгердің сазды әлемі» атты әуенді дәріс өтті.

Шараның мақсаты: Туған еліне еңбек етіп, қазақ ән өнерінің дамуына зор үлес қосқан дарынды композитордың өнер жолы мен шығармашылығын насихаттау.

Шара барысында оқырмандарға Төлеген Мұхамеджановтың өмірбаяны  таныстырылып, композитордың өмірі туралы арнайы дайындалған деректі фильм көрсетілді. Әуенді дәрісте оқырмандарға Төлеген Мұхамеджановтың  «Ақ желкен»  әні күйтабақта тыңдатылды.

Шараға 18 оқырман қатысты.

Торғын Муханова,

өнер және спорт әдебиеттері

 бөлімінің кітапханашысы