Театр және кино тарланы  

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен  2023 жылдың   24 мамыр   күні  кітапхананың жеке қызмет көрсету бөлімінде  «Театр және кино тарланы» Қазақстанның халық әртісі, Мемлекеттік сыйлықтың лауреаты Әнуарбек Молдабековтың туғанына 85 жыл толуына орай  өмірі мен шығармашылығына Еске алу кешін өткізді.

Іс-шараның мақсаты: Әнуарбек Молдабековтің сомдаған бейнелері, ұлт құндылығы. Сондықтан өткізілген  шарада сол, ұлттың рухани құндылығын дәріптеу. Әнуарбек Молдабековтің есімін мәңгі есте сақтау, оның шығармашылық жолын жас буынға насихаттау.

Әнуарбек Молдабеков қазақтың тарихына өзінің атын алтын әріптермен жазып кетті. Себебі оның артында, қайталанбас бейнелері қалды. Осы күнге дейін, көрерменнің көзайымына айналған, кинолентаға түскен ғажап бейнелері қалды. Әнуарбек Молдабековтың  шығармашылығына арнайы дайындалған  деректі фильм көрсетілді.  

Кеште Жамбыл Жабаев атындағы халықаралық конкурстың жеңімпазы, Театр фистивальдерінің жүлдегері, Құрмет орденіінің иегері, 2004 жылы ҚР Президентінің Құрмет грамотасымен марапатталған, 2016 жылы «Қазақстан тәуелсіздігіне 25 жыл» медалімен марапатталған, Мұхтар Әуезов атындағы Қазақ мемлекеттік академиялық драма театрының актёрі  Жоламан Әміров  қонаққа келіп, Әнуарбек Молдабеков жайлы естеліктерімен бөлісті. «Әнуарбек ағамен бірге сахнаға шыққанымызды, сапарлас болғанымызды бақыт санаймыз» — деп еске алды. Кешке Халықаралық Дінмұхамед Ахметұлы Қонаев атындағы қордың Президент кеңесшісі, сазгер  Жанботаев Дәулетбек Құрманәліұлы кешке арнайы келіп, кітапхана  ұжымына Алғыс хат тапсырып, жылы лебізін, жүрек жарды тілектерін айтып, кеш қонақтарына ән шашуын жолдады.

Еске алу кешінде қорытынды сөз  алған кітапхана директоры Байұзақов Асхат Құсайынұлы келген қонағымыз Жоламан Әміровке   алғыс білдірді. Сырлы кешіміздің сәнін келтіріп, тыңдармандарының құлақ құрышын қандырып, Әнуарбек ағамыз жайлы естеліктерімен бөліскен Жоламан Әміров пен   Жанботаев Дәулетбекке кітапхана атынан Алғыс хат табыс етті.

Кеш соңында қонақтар ескерткіш суретке түсті.

Кеш қонақтары  кештің  тартымды өткеніне  дән риза болып тарасты.

Шараға 63 оқырман қатысты.

Назым Момбекова,

өнер және спорт әдебиеттері

бөлімінің қызметкері