Театр өнерінің саңлақ тұлғасы

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен  2023 жылдың   6-шы қаңтар  күні  кітапхананың жеке қызмет көрсету бөлімінде  «Театр өнерінің саңлақ тұлғасы» атты актриса, Қазақ КСР-інің халық артисі Бикен Ырымқызы Римованың  туғанына  100 жыл толуына орай  өмірі мен шығармашылығына орай ақпараттық сағат өтті.

Іс-шараның мақсаты: Қазақ өнерінің тарихында есімі ерекше айтылатын Бикен Римованың өмірі мен шығармашылығын насихаттау.

Кеш шымылдығын аңыз адам Бикен Ырымқызы Римова шығармашылығына арнайы дайындалған деректі фильм ашты.  «Адамның адамшылығы жақсы ұстаздан», — деп Абай атамыз айтқандай адамның өнерде тұлға болып қалыптасуына ұстаздың алар орны ерекше. Сырлы кешімізде Қазақстан Республикасының  еңбек сіңірген қайраткері театр және  кино режиссер, актер, сатирик, сол Бикен, Хадиша, Сабира апаларымыздың ізін басып, өнерін  жалғастырушы шәкірті, шәкірт тәрбиелеп отырған ұстаз, Асқар Әбдіғалымұлы Наймантаев қонаққа келіп, оқырмандармен Бикен Ырымқызы жайлы естеліктерімен бөлісті.

Ақпараттық кеште қорытынды сөз алған кітапхана директоры Байұзақов Асхат Құсайынұлы кеш қонағы Асқар Әбдіғалымұлы Наймантаевқа алғыс білдірді. Бикен апамыз жайлы естеліктерімен бөліскен Асқар Әбдіғалымұлына кітапхана атынан Алғыс хат табыс етті.

Кеш соңында қонақтар ескерткіш суретке түсті.

Шараға 43 оқырман қатысты.

Назым Момбекова,

өнер және спорт әдебиеттері

бөлімінің қызметкері