Композитор, профессор, Қазақстан мемлекеттік сыйлығының лауреаты, Қазақстанның халық әртісі Мыңжасар Маңғытаевтың туғанына 85 жыл

Зағип және нашар көретін азаматтарға арналған республикалық кітапханасының өнер және спорт әдебиеттері бөлімінің ұйымдастыруымен  ағымдағы жылдың  23 желтоқсан күні қазақ ән өнерін өрге сүйреген әйгілі композитор, профессор, Қазақстан мемлекеттік сыйлығының лауреаты, Қазақстанның халық әртісі Мыңжасар Маңғытаевтың туғанына 85 жыл толуына орай әуенді дәріс өтті.

Іс-шараның мақсаты:  оқырмандарды Мыңжасар Маңғытаевтың өмірі және шығармашылығы жайында танымдық ақпаратпен  таныстыру.

Мыңжасар Маңғытаев бар өмірін өнерге арнап, сол жолда қазақ өнері мен мәдениетінің тарихында өшпестей жазылып һәм тыңдармандарының жүрегінде жатталып қалған шоқтығы биік, кесек туындылар жазып қалдырды.

Әуенді дәріс барысында оқырмандарға  Мыңжасар Маңғытаевтың өмірбаяны  мемлекеттік және орыс тілдерінде  таныстырылып, өмірі жайлы арнайы дайындалған деректі фильм көрсетілді.

Шараға 23 оқырман қатысты.

Назым Момбекова,

 өнер және спорт әдебиеттері бөлімі