Қазақ музыкасының мақтанышы

Зағип және нашар көретін азаматтарға арналған республикалық кітапханасының өнер және спорт әдебиеттері бөлімінің ұйымдастыруымен  ағымдағы жылдың 2 желтоқсан күні  КСРО және Қазақстан Республикасының халық әртісі, Қазақстан Республикасы Мемлекеттік сыйлығының лауреаты, аса көрнекті композитор,  қазақтың қазіргі замандық музыкасының негізін қалаушы, Ахмет Жұбановтың  қызы Ғазиза Ахметқызы Жұбанованың туғанына 95 жыл толуына орай  «Қазақ музыкасының мақтанышы» атты дауыстап оқу сағаты өтті.

Іс-шараның мақсаты: оқырмандарды ұлағатты ұстаз, композитор Ғазиза Жұбанованың музыка өнеріне сіңірген еңбегімен таныстыру, насихаттау.

Дауыстап оқу сағаты барысында Ғазиза Ахметқызының өмірбаяны  мемлекеттік және орыс тілдерінде  таныстырылып, сазгер  туралы арнайы дайындалған деректі фильм көрсетілді.

Оқырмандар «Қазақ музыкасының мақтанышы» деп аталған іс-шарада музыканттар әулетінен шыққан аяулы жанды еске алып, опера, симфония, оратория, камералық музыка жазған әйгілі композитор, ұлағатты ұстаз, қоғам қайраткерінің өнерінің өміршеңдігіне куә болды.

Шара соңында өнер және спорт әдебиеттерінің қорындағы күйтабақтан Ғазиза Жұбанованың  «Енлік» ариясы оқырмандарға  тыңдатылды.

Шараға 24 оқырман қатысты.

Назым Момбекова,

өнер және спорт әдебиеттері

 бөлімінің қызметкері