«Бір ел – бір кітап» акциясы аясында Ахмет Байтұрсынұлының «Анама хат» атты шығармасынан театрландырылған қойылым

Ағымдағы жылдың желтоқсан  айының  1-ші жұлдызында  Зағип және нашар көретін азаматтарға арналған  республикалық  кітапханада «Бір ел – бір кітап» акциясы аясында Ахмет Байтұрсынұлының «Анама хат» атты шығармасынан театрландырылған қойылым ұсынылды.

Кештің мақсаты: «Бір ел – бір кітап» акциясы аясында Ахмет Байтұрсынұлының шығармаларын, ерен еңбегін паш ету,  оқырмандарға насихаттап таныстыру. Сол арқылы ұлты мен жерін сүйген азаматтарымыздың еңбегін дәріптеп, болашақ ұрпақтың бойына патриоттық сезім ұялату.

Ахмет Байтұрсынұлының «Анама хат» атты шығармасын кітапхана қызметкерлері сахналады.  Ахмет Байтұрсынұлын кітапхана қызметкері Сыздықов Болатхан, Ахметтің анасының  образын Арынбекова  Назымгүл сомдады. Рөлдегі кейіпкерлердің ізденісі және жүрегімен сезінгені жұртшылықты баурап, таланттарына тәнті етті. Көрініс тартымды өтті. Тетрландырылған қойылым көпшіліктің көңілінен шықты. Соңы арнайы дайындалған концертке ұласты.

Алматы облысы Жамбыл аудандық Мәдениет үйінің «Сүйінбай сазы» ансамблінің әншілері  Ақтоты Төлеуғали халық әні «Ақбақай», «Жұмақ мекен», Сәрсенбаева  Жансая «Сайра бұлбұл», «Алғыс», Нусипжанова Айжан «Туған ел», халық әні «Дей салдым», әнші жігіт Елнұр «Ақ жайнақ» әндерімен жиналған көпшілікке тамаша көңіл-күй сыйлады.

Назым Момбекова,

өнер және спорт әдебиеттері

 бөлімінің қызметкері