Базар жырау Оңдасұлы (Балқы Базар) жырау туғанына 180жыл

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен  ағымдағы жылдың   10 қазан күні  кітапхананың жеке қызмет көрсету бөлімінде қазақ әдебиеті мен поэзиясы тарихында өзіндік ойып алар орны бар Базар жырау Оңдасұлының 180 жыл толуына орай әуенді дәріс  өтті.

Іс-шараның мақсаты: Дала жырауларының соңғы өкілі Базар жыраудың әдеби мұрасы және  шығармаларымен оқырмандарды таныстыру.

Базар Оңдасұлы – Сыр сүлейлерінің көшін бастап кеткен даңға­йыр жырау, саңлақ суреткер. Жыраулық поэзияның дамуындағы қол жетпестей биіктікпен ғана белгіленер оның шығармалары қазақ халқының қандай ұрпағының болмасын жанына сәуле, рухына қуат құя беретініне ешқандай күмән жоқ. Шара барысында көрермендерге  Базар жыраудың өмірі шығармашылығы жайында  арнайы бейнебаян көрсетілді. Сыр бойында таралып жүрген, көпке ортақ  Базар жыраудың жырларын  орындап жүрген әнші Елмұра Жаңабергенованың  Базар жыраудың «Сөйле десең сөйлейін»  жырын оқырмандар бейнебаянда көріп тамашалады.

Базар жыраудың халыққа кең тараған жырлары күй табақта тыңдалды.

Шараға 17 оқырман қатысты.

Назым Момбекова,

өнер және спорт әдебиеттері

бөлімінің қызметкері