Айткеш Толғанбаевтың туғанына 100 жыл

Қазақтың тұңғыш кәсіби скрипкашысы

Айткеш Толғанбаевтың

туғанына 100 жыл

(1922-1995)

Ағымдағы жылдың 27 қазан күні  кітапхананың жеке қызмет көрсету бөлімінде Қазақтан шыққан тұңғыш кәсіби скрипкашы Айткеш Толғанбаевтың 100 толуына орай әдеби-сазды кеш өтті.

Іс-шараның мақсаты: Қазақтан шыққан тұңғыш кәсіби скрипкашы Айткеш Толғанбаевтың музыка өнеріндегі теңдессіз таланты мен тауқыметке толы талайлы тағдырымен оқырмандарды таныстыру.

Көрермендерге Еуропа төрінде ақсүйек аспапты еркін игерген кәсіби скрипкашы Айткеш Толғанбаевтың шығармашылығынан арнайы деректі фильм көрсетілді. Кеште Құрманғазы атындағы Қазақ ұлттық консерваториясынан шәкірттері  қонаққа келіп, өнер көрсетті.  Кеш барысында  Айткеш Толғанбаевтың   «Бозжорға»  туындысын Баркова Вероника, концертмейстер Абдыкадырова Жаннель, Роберт Молинелии  репертуарынан «Танго-Клаб»  туындысын саксофон аспабымен Альбина Аяпбек, концертмейстер Скрипченко Елена,  Хлебова Анна флейта үрмелі  аспабында «Каракемер» музыкалық туындыны  орындады.   Қазақтың халық әні «Бұлбұлым», «Ақ жайық» әндерін Құрманғазы  атындағы ұлттық консерваториясының магистрі Ідірбай Байбақты домбырамен орындап, оқырмандарды риза етті.

Әдеби-сазды кеш соңында Байұзақов Асхат Құсайынұлы сырлы кештің сәнін келтіріп, тыңдармандарының құлақ құрышын қандырып, әндерімен сусындатқан  Құрманғазы атындағы Қазақ ұлттық консерваториясының  ұжымына, әншілеріне,  кітапхана атынан Алғыс хат табыс етті.Шараға 47 оқырман қатысты.

Назым Момбекова,

өнер және спорт әдебиеттері

бөлімінің қызметкері