Қазақстанның еңбек сіңірген қайраткері, «Құрмет» орденінің иегері, композитор, термеші, Республикалық термешілер конкурсының лауреаты Донеділ Қажымовтың туғанына 70 жыл.

Зағип және нашар көретін азаматтарға арналған республикалық кітапханасының өнер және спорт әдебиеттері бөлімінің ұйымдастыруымен 2022 жылдың 18 қазанында Қазақстанның еңбек сіңірген қайраткері, «Құрмет» орденінің иегері, Қазақстан Композиторлар одағының мүшесі, композитор, термеші, Республикалық термешілер конкурсының лауреаты Донеділ Қажымовтың туғанына 70 жыл толуына орай әуенді дәріс өтті.
Іс-шараның мақсаты: Оқырмандарды Дөнеділ Ізмағамбетұлының өмірі және шығармашылығымен, сонымен қатар жұртшылыққа кең танымал әндерімен таныстыру, насихаттау.
Шара барысында оқырмандарға композитордың өмірбаяны қазақ және орыс тілдерінде таныстырылып, шығармашылығы жайында арнайы дайындалған деректі фильм көрсетілді.
Әуенді дәрісте Донеділ Қажымовтың халыққа кең тараған әндері күйтабақта тыңдалды.

Шараға 24 оқырман қатысты.
Назым Момбекова,
өнер және спорт әдебиеттері
бөлімінің қызметкері