News & Events
Бүкіләлемдік шахмат күніне орай көру қабілеті бұзылған спортшылар арасында шахматтан ашық біріншілік өтті
Комментариев нет
Ағымдағы жылдың 23 шілдесінде Зағип және нашар көретін азаматтарға арналған республикалық кітапхана Бүкіләлемдік шахмат күніне орай көру қабілеті бұзылған спортшылар арасында шахматтан ашық біріншілік өтті.
«ЗНКААРК» РММ ұйымдастырушылық және ақпараттық қолдау көрсетті.
Іс-шараға «Көмектес» көзі көрмейтін мүгедектердің қоғамдық қайырымдылық қоры мен Қазақстанның Зағип спортшылар одағы демеушілік көрсетті.
Турнирге сегіз адам қатысты: олардың ішінде екі әйел және алты ер адам.
Сайыс спорттық, достық негізде өтті. Ерлер арасындағы шиеленіс соңғы турға дейін жалғасты.
Нәтижесінде жеңімпаздар арасындағы орындар келесідей бөлінді: әйелдер арасында бірінші орынды Любовь Виноградова, екінші орынды Ақниет Жүнісбекова иеленді.
Ерлер арасында бірінші орынды Махсут Джумабеков, екінші орынды Батырхан Курмашев және үшінші орынды Роман Носов иеленді. Әсіресе, жас шахматшы (оқушы) – Роман Носовтың жетістігін ерекше атаған жөн. Болашақта шахматтан биік белестерді бағындыруын тілейміз.
Шахмат турнирінің барлық жүлдегерлері ақшалай сыйлықтармен марапатталды.
Сара Абибулаева, Махсут Джумабеков
