Әсет Найманбайұлының туғанына биыл 155 жыл толуына орай әуенді дәріс өтті

Қазақтың  суырыпсалма ақыны, әнші-композитор Әсет Найманбайұлының туғанына 155 жыл. (1867-1922)

Зағип және нашар көретін азаматтарға арналған республикалық кітапханада өнер және спорт әдебиеттері бөлімінің ұйымдастыруымен 2022 жылдың 21 сәуір күні, кітапхананың жеке қызмет көрсету бөлімінде күллі қазақ даласында өлең жырдың жәрменкесін құрып, ізіне өшпестей мұра қалдырған сара сөздің дүлдүлі, сұлу әннің бұлбұлы Әсет Найманбайұлының туғанына биыл 155 жыл толуына орай әуенді дәріс өтті.

Мақсаты: Қазақтың ән-күй мәдениеті, сал-серілердің өмірін баяндай отырып, олардың шығармашылығымен таныстыру,  асқақ үнді, әсем ырғақты әндер шығарған Әсет Найманбайұлының шығармашылығын кейінгі ұрпаққа насихаттау.

Іс-шара басталмас бұрын көрермендерге  Әсеттің шығармашылығы жөнінде деректі фильм көрсетілді.

Шараға қатысқан «Алатау» дәстүрлі өнер театрының дәстүрлі әншісі  Жанаргүл Сәркенова  Әсет Найманбайұлының шығармашылығынан «Кіші Ардақ» , «Інжу-Маржан» атты әндерін орындап берді.

Шараға 43 оқырман қатысты.

Назым Момбекова,

өнер және спорт әдебиеттері

бөлімінің қызметкері