«Елбасы — кемеңгер көшбасшы»

«Елбасы — кемеңгер көшбасшы»

Ағымдағы жылдың қараша айының 25-і күні жеке қызмет көрсету бөлімі онлайн форматта Қазақстан Республикасының Тұңғыш Президенті күніне орай «Елбасы — кемеңгер көшбасшы» —  әдеби-сазды кешті ұсынады. 1990 жылы Президенттік билік институтын енгізу, одақтас республика ретінде нақты егемендікке алғашқы қадам болды. 1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланды. 2011 жылдан бастап 1-желтоқсан Қазақстан Республикасында мемлекеттік мереке ретінде аталып өтіледі.

Қазақстан мемлекеттілігінің негізін қалаушы – еліміздің Тұңғыш Президенті Н.Ә.Назарбаев халықты жарқын істерге жұмылдыру, қоғамдағы татулық пен келісімді нығайту, бүкіл халықаралық қоғамдастықтың ризашылығы мен құрметіне ие болған жаһандық және өңірлік бейбіт бастамалардың авторы ретінде елдің сыртқы саяси бағытын дәл айқындау ісіне орасан зор үлес қосты.

Бұл күні Елбасы Нұрсұлтан Әбішұлы Назарбаевтың жетістіктері мен ел дамуы үшін қосқан орасан зор үлесін келешек ұрпаққа насихаттау мақсатында мемлекет көлемінде түрлі мәдени-көпшілік іс-шаралар ұйымдастырылады.

Іс-шара барысында кітапхана оқырмандарының қатысуымен мерекелік концертін ұсынамыз.