«АШЫҚ ЕСІК КҮНДЕРІ»

«АШЫҚ ЕСІК КҮНДЕРІ»

2021 жылдың 19-21 қазан күндері сағат 10.00-16.00 аралығында «Зағип және нашар көретін азаматтарға арналған республикалық кітапхана» РММ кітапхананың құрылғанына 50 жыл толуына орай ««ЗНКААРК» РММ-ге 50 жыл және ҚР Тәуелсіздігіне 30 жыл» тақырыбында «Ашық есік күндері» шарасын өткізеді.

Шараның мақсаты: кітапхана қызметімен жалпы жұртшылықты таныстыру, зағип қызметкерлердің жұмыс орындарын көрсету, мектеп оқушылары,  жоғары  оқу орындары студенттерін, кітапханаға жаңа оқырмандарды тарту.

Шараға Алматы қаласындағы ЖОО студенттері: Қазақ ұлттық қыздар педагогикалық университеті, Абай атындағы Қазақ ұлттық педагогикалық университеті, Әл-Фараби атындағы Қазақ ұлттық университеті, медицина колледжі және т.б. шақырылады.

«Ашық есік күндері» аясында төмендегідей шаралар ұйымдастырылады:

• «Бір ел – бір кітап» республикалық акциясы аясында «ҚР Тәуелсіздігінің 30 жылдығына — 30 кітап» атты кітап көрмесі;
• «Мәдени мұра» бағдарламасы аясында дайындалған «ҚР мәдениеті мен ескерткіштерінің тарихы тактильді кітапта» тақырыбында кітап көрмесі;
• «Сөйлейтін» кітаптарды жазу, жайпақ баспа қаріпті мәтінді Брайль қарпіне ауыстыру және оны пайдаланушыларға басып шығару процесімен таныстыру;
• «Өтегенов өнегесі» — «Путь Утегенова» атты деректі фильмді тамашалау;
• Тифлотехникалық аппараттармен және тифлотехникалық құралдармен таныстыру;
• Келушілерге зағип қызметкерлердің жұмыс орындарын көрсету мақсатында кітапхана бөлімдеріне экскурсия жүргізу;

Құрметті БАҚ өкілдері! Сіздерді «Зағип және нашар көретін азаматтарға арналған республикалық кітапхана» РММ «Ашық есік күндеріне» шақырады.

Өтетін күні: 19-21 қазан 2021 жыл, сағат: 10:00-16:00

Кітапхананың мекен-жайы: Алматы қаласы, Бөгенбай батыр көшесі, 214

(Мұратбаев көшесінің қиылысы).

Анықтама үшін байланыс телефоны: 293-70-17.