«Өтегенов өнегесі», «Путь Утегенова» кітаптарының тұсаукесері

Ағымдағыы жылдың 6-шы қазанында  Қазақ соқырлар қоғамына қарасты «Спутник» Демалыс үйінде  Қазақ соқырлар қоғамының көрнекті қайраткері, Ұлы Отан соғысының ардагері Сәкен Хайдарұлы Өтегеновтың туғанына 100 жыл толуына орай жарық көрген «Өтегенов өнегесі», «Путь Утегенова» кітаптарының тұсаукесерін Зағип және нашар көретін азаматтарға арналған республикалық кітапхана мен Қазақ соқырлар қоғамының жанынан ашылған «Жылы ұя» республикалық оңалту орталығымен бірлескен ауқымды іс-шара өтті.

Іс-шараның бірінші бөлімінде Қазақ соқырлар қоғамының орталық басқармасының төрағасы Наурызбаев  Алмат Сәбитжанұлымен Зағип және нашар көретін азаматтарға арналған республикалық кітапхана директоры Байұзақов  Асхат Құсайынұлы «Өтегенов өнегесі», «Путь Утегенова» кітаптарының салтанатты тұсаукесер рәсімін жасады.

Кеште қоғамды Сәкен Хайдарұлы басқарған кезде Мәдениет үйінің көркемдік жетекшісі қызметін атқарған Владимир Ивановский қызықты да тағылымды естеліктер айтып, «Біз сізді ұмытпаймыз» атты жүрекжарды арнауын оқып берді. Сәкен Хайдарұлы басқарып тұрған кезде облыстық басқарманың нұсқаушысы қызметін атқарған Мәриям Иминова, мерейтой иесінің хатшысы болған Лидия Илыкина орталық басқарма баспаханасында корректор болған Қапиза Айшуақова «Жақсының жақсылығын айт, нұры тасысын» дегендей, мерейтойлық еске алу кеші иесінің адамгершілік, іскерлік, қайырымдылық, кішіпейілділік  қасиеттеріне кеңінен тоқталды.

Бұл еске алу кешінен ұққанымыз –  өмірде көп жақсылық жасап, айналасына саясын түсірген жақсы адамды ел құрметтеп, көзі кетсе де ұмытпай, жүрек төрінен ойып тұрып орын береді екен. Иә, қоғамға қадірлі, ортаңа абыройлы азамат болу – басты қазына!

Іс-шараның екінші бөлімінде Сәкен Хайдарұлы  Өтегеновтың атындағы сыйлықтың 2019-2020 жылғы номинанттарын марапаттау рәсімі өтті.

Жеке қызмет көрсеті бөлімі