Қыран қанатты ақын — Қасым Аманжолов

Қыран қанатты ақын

Қазан айының  7-ші жұлдызында  Зағип және нашар  көретін  азаматтарға  арналған  республикалық  кітапханада   қазақ халқының  ақыны  Қасым Аманжоловтың 110 жылдығына  арналған «Қыран қанатты ақын» атты  онлайн әдеби-сазды кешімізді ұсынамыз.

Мақсаты:  ақынның  өнегелі өмірін, ақынның  даналығын, рухани асыл  мұраларын насихаттап,   өскелең  ұрпақты  көркем  сөйлеу,   Қасым Аманжоловтың өлеңдері  мен  әндерін мәнерлеп  оқуға  тәрбиелеу.

Қасым Аманжолов– қазақтың аса ірі ақындарының бірі. Оның көркемдік-эстетикалық деңгейі жоғары, қазақ әдебиеті тарихында айтулы орынға ие шығармашылығы, негізінен, поэзиялық туындылардан тұрады. Ақынның әдеби мол мұрасын 7-8 поэмасы мен алуан тақырыптағы лирикалары құрайды. Көркем аударма өнерінің де үздік шебері. Ол орыс, Батыс пен Шығыс поэзиясының классикалық туындыларын: лирикалық өлеңдер мен поэма-дастандарын қазақ тіліне шебер аударған. Ақын өзінің батыл ойлы, шыншыл да терең сырлы, дауылды поэзиясымен әр буын оқырмандар сүйіспеншілігіне ие болып, жас таланттарға өте күшті әсер етіп келе жатқан біртуар дарын.

Іс шара  барысында  оқырмандарға ақынның өмірі мен шығармашылығы, кітапхана оқырмандарының өлеңдері ұсынылды.

Жеке қызмет көрсету бөлімі