«Алматы – алтын қалам» атты онлайн әдеби-сазды кеш

16-шы қыркүйекте Зағип және нашар көретін азаматтарға арналған кітапханада «Алматы – алтын қалам» атты Алматы қаласы күніне арналған онлайн әдеби-сазды кешін ұсынамыз.

Мақсаты: Осындай мыңжылдық бай тарихы бар Алматы қаласын оқырмандарға насихаттап, туған қаламызға деген сүйіспеншіліктерін арттыру болып табылады.

Алматы – үлкен белестерді бағындырған қала. Оның тарихына көз жүгіртсек, басынан сан-қилы тарихи кезеңдерді өткерген. Мысалыға, қарапайым өзіміздің тәуелсіздік алған жылдардың тарихи маңызы өте зор екені белгілі. Ызғарлы желтоқсанның құрбанына айналған адамдардың өздері әлі күнге Алматының айбынды жерін еш естерінен шығармайды. Себебі бұл тарихи мекен әрі ұлы оқиға. Ал қазір Тәуелсіз елдің көркем аймағына айналып отыр. Қаламыз жылдан жылға қарқынды дамып келеді. Оның дәлелін өзіміз де көре аламыз. Халықтың тұрмыс-тіршілігі, экономикалық жағдайы, шаһардың даму процесі де айтарлықтай жақсы. Сонымен қатар, Алматы – жаңа мүмкіндіктер мекені болып та саналады. Осында көптеген саяси, мәдени іс-шаралар өткізіліп те жатыр. Жастардың көбісінің жаңа өмірге қадам басуына да себепкер болып, қолынан жетектегендей болады.

Жеке қызмет көрсету бөлімі