Арнайы кітапханалар Жас кітапханашыларының III республикалық Слетінің баспасөз хабарламасы

Баспасөз хабарламасы

2021 жылдың 14-15 қыркүйегінде «Зағип және нашар көретін азаматтарға арналған республикалық кітапхана» РММ-сі (әрі қарай, ЗНКААРК) «Тәуелсіздікке 30 жыл: «ЗНКААРК» РММ және аймақтағы арнайы кітапханалардың даму жолдары» атты зағип жандарға арналған арнайы кітапханалар Жас кітапханашыларының III республикалық Слетін өткізеді. Слет, Еліміз үшін маңызды оқиға — ҚР Тәуелсіздігінің 30 жылдығы аясында өтеді.

2021 жыл — кітапхана үшін де ерекше жыл. Слет, тарихы тереңнен бастау алатын, абырой-беделі жоғары, кітап қоры бай «ЗНКААРК» РММ-сінің 50 жылдық мерейтойына да негізделінуде.

Шараның негізгі мақсаты – оқырмандарды ақпаратпен, біліммен, мәдени құндылықтармен қамтамасыз ету жолындағы даму сатысын айқындау; жас кітапханашылардың мамандыққа деген сүйіспеншілігін арттыру; жұмыстың жаңа түрлері мен әдістерін енгізу; кітапхана мен қызметкерлердің имиджін нығайту; кітапханалық кәсіби жастар қоғамын қалыптастырып, оны дамытуға, тәжірибе алмасып, біліктілікті арттыру; зағип ақындардың ой-толғамдарын кеңінен дәріптеу; еліміздегі зағип жандарға арналған бедерлі-нүктелі қаріптегі басылымдардың шектеулі  шығарылуы жағдайында, қолжетімді форматтағы басылымдарды және тактильді кітаптарды шығаруда, арнайы кітапханалар қызметіне назар аудару.

Слетке Қазақстан Республикасы бойынша ЗНКААРК қарасты 16 арнайы кітапханаларының жетекшілері мен жас кітапханашылары, Ресей  Федерациясының, Қырғызстан республикасының арнайы кітапханаларының басшылары мен қызметкерлері қатысады.

Слет бағдарламасы аясында мынадай шаралар өткізіледі:

• «Арнайы кітапханалардың дамуындағы жаңа үрдістер» тақырыбында Халықаралық онлайн конференция;
• ҚР арнайы кітапханаларының жас мамандарына арналған, «Жоғары оқу орындарындағы ИНКЛЮЗИЯ» халықаралық онлайн вебинары;
• «Шабыттың бұлағы» — «Источник вдохновения» атты зағип ақындардың кітапхана туралы өлеңдерінің республикалық байқауының жүлдегерлерін марапаттау;
• «50 жылдық ғұмыры бар «Зағип және нашар көретін азаматтарға арналған республикалық кітапхана» РММ» тақырыбында деректі фильм;
• «Тәуелсіздіктің 30 жылдығына – 30 кітап» республикадағы арнайы кітапханалар шығарған МР3 аудиоформаттағы және БНҚ кітаптардан жасақталған көрме.

Слеттің екінші күні Назарбаев Университетінің (НУ) эксперт-менеджері Зият Абдыкаимовтың арнайы кітапханалардың жас мамандарына: «көмекші технологиялар мен ақпаратқа қолжетімділік» тақырыбында Халықаралық вебинары жоспарланған.

Құрметті БАҚ өкілдері! Сіздерді, «ЗНКААРК» РММ-сі Тәуелсіздіктің 30 жылдығы аясында ұйымдастырып отырған «Тәуелсіздікке 30 жыл: «ЗНКААРК» РММ және аймақтағы арнайы кітапханалардың даму жолдары» атты Жас кітапханашылардың III республикалық Слетіне ақпараттық қолдау көрсетуге шақырады!

Слет бағдарламасы қосымша жіберілді.

Өтетін күні мен уақыты:

2021 жылдың 14 қыркүйек күні сағат 12.00 – 16.00 уақыт аралығында.

15 қыркүйек күні 12.00 – 13.00 аралығында.

Слет ZOOM платформасында онлайн режимде өтеді.

Қосымша ақпарат үшін:

8(727) 293-70-80, 8 (701) 732-9996 Асхат Құсайынұлы Байұзақов («ЗНКААРК» РММ-сінің директоры)

8 (727) 399-90-79, 8 (777) 253-6164 Захра Ануарқызы Маханова («ЗНКААРК» РММ-сінің директор кеңесшісі)