Латиф Хамидидің туғанына 115 жыл

«Қазақ вальсі»

Ағымдағы жылдың 16 шілде күні Зағип және нашар көретін азаматтарға арналған республикалық кітапхананың өнер және спорт әдебиеттері бөлімі кітапхананың әлеуметтік желілерінде онлайн-режимде әйгілі  композитор, ҚазКСР-нің халық артисі, ҚазКСР Мемлекеттік сыйлығының лауреаты Латиф Абдулхайұлы Хамидидің 115 жыл толуына орай «Қазақ вальсі» атты дауыстап оқу сағатын өткізді.

Іс-шараның мақсаты: музыканың сан саласында жемісті еңбек етіп, күрделі және қомақты көркемдігі биік туындылар жазып, ұлт музыкасының дамуына бағасы жетпес үлес қосқан атақты композитор Латиф Хамидидің өмірі мен шығармашылығын кейінгі ұрпаққа үлгі ету, насихаттау.

Шара барысында өнер және спорт әдебиеттері бөлімінің кітап қорында сақталған КСРО халық әртісі Бибігүл Төлегенованың орындауындағы Ахмет Жұбанов пен Латиф Хамидидің «Абай» операсынан Ажардың жоқтауы, Ажардың ариясы, Шора Үмбеталиевтің орындауында «Абай операсынан» Сырттанның ариозасы, Музыкалы Қазақстан, «Сарыарқа» атты күйтабақтар таныстырылып, Латиф Хамиди мен Сәбит Мұқановтың атақты «Қазақ вальсі» қазақтың күміс көмей бұлбұлы Бибігүл Төлегенованың орындауында оқырмандар назарына ұсынылды.

Қазақ музыка өнерінің үлкен жанашыры, композитор Латиф Хамидидің есімі ешқашан ұмытылмақ емес. Ол өзінің бар саналы ғұмырын қазақ өнерін насихаттап, дамытуға жұмсады. Оның жазған әндері, опералары әлі де сахнадан орындалып, халықтың рухани қазынасына айналып отыр.

Даржанова Г.Т.,

өнер және спорт әдебиеттері

бөлімінің меңгерушісі