Ақ халатты абзал жандар

Ақ халатты абзал жандар

Ағымдағы жылдың 17-ші маусымында кітапхананың жеке қызмет көрсету бөлімі Медицина қызметкерлер күніне арнап, онлайн форматта «Ақ халатты абзал жандар» атты мерекелік іс-шара өткізді.

Іс-шараны ұйымдастырудағы мақсаты: Бүкіл әлемде болып жатқан коронавирус  пандемиясына қарамастан алдыңғы қатарда жүрген бүгінгі күннің батырларына алғыс айту, медицина қызметкерлерінің қажырлы жұмысы мен талантының арқасында ел халқының игілігі үшін жасаған еңбектеріне  ризашылық білдіру, құрмет көрсету.

20 маусым — Медицина қызметкерлерінің күні. Бұл ақ халатты абзал жандардың мерекесі, әр минут сайын адам өмірін құтқаруға бар күш-қайратын салатын және қыл үстіндегі адам тағдырын арашалаушы жандардың мерекесі.
Жыл сайын маусым айының үшінші  жексенбісінде   еліміз Медицина қызметкерлерінің  күнін атап өтеді.  Ең алғаш рет мереке «Мереке және атаулы күндер туралы» аталатын Кеңестер Одағының Жоғары Президумының қаулысы бойынша 1980 жылдың 1 қазанында қабылданған болатын. Бұл күн әлемдегі барлық дәрігерлердің белсенді әрекеті мен тілектестік күні ретінде саналады.

Дәрігерлер және барлық медициналық персонал, Сіздерді шын жүректен кәсіби мерекелеріңізбен құттықтай отыра, осындай қиын және жауапты мамандықтың суығы мен ыстығына шыдап, қызмет алушылардың денсаулығына қосқан үлестеріңіз үшін алғысымыз шексіз.
Медицина қызметкерлеріне зор денсаулық, еңбекте табыс, төзімділік пен күш қайрат және отбасыларына бақыт-береке тілейміз!

Іс-шара барысында «Ақ халатты абзал жандар» туралы видео көрсетілді.Осы айтулы күнге кітапханамыздың белсенді оқырманы ақын Владимир Ивановский өз өлеңін ақ халатты абзал жандарға арнады.