«Өнер және спорт әдебиеттері бөлімі» — жетекшісі Гүлназ Темірбекқызы Даржанова «Нұрлы жер» бағдарламасы аясында баспаналы болды

Қазақстан Республикасының Мәдениет және спорт министрлігі «Нұрлы жер» тұрғын үй-коммуналдық шаруашылығын дамытудың 2020-2025 жылдарға арналған Мемлекеттік бағдарламасын іске асыру шеңберінде мәдениет, спорт және архив саласы қызметкерлерінің тұрмыстық жағдайын жақсарту мақсатында арнайы келісімді жүзеге асырған болатын.

Кітапханамыздың «Өнер және спорт әдебиеттері бөлімі» — жетекшісі Гүлназ Темірбекқызы Даржанова осы «Нұрлы жер» бағдарламасы аясында баспаналы болды.

Кітапхана ұжымы 14 жылдан астам осы мекемеде жұмысында іскерлігімен, үлкенмен де, кішімен де тіл табатын дипломатиялық қабілетімен танылған, Мәдениет министрінің марапаттарының иегері, ұжымның қадірлісі Гүлназ Темірбекқызы Даржанованы баспаналы болуымен шын жүректен құттықтайды! Үйдің іргетасы мықты, керегесі кең, шаңырағы биік болсын!