Мемлекеттік рәміздер – Тәуелсіздік нышаны
Ағымдағы жылдың 2-ші маусымында кітапхананың жеке қызмет көрсету бөлімі Қазақстан Республикасының Рәміздері күніне арнап, онлайн форматта «Мемлекеттік рәміздер – Тәуелсіздік нышаны» атты мерекелік іс-шара өткізді.
Іс-шараны ұйымдастырудағы мақсат – өскелең ұрпақтың мемлекеттік рәміздер жөніндегі білімдерін кеңейту, оларды отаншылдыққа, ұлтжандылыққа, өз елінің тарихын білуге тәрбиелеу.
Іс-шара барысында бөлім қызметкері Хантөре Адина мемлекеттік рәміздер күні туралы шағын баяндама жасады, Қазақстан Республикасының рәміздері туралы деректі фильм көрсетіліп, кітапханамыздың белсенді оқырманы Дүйсенбиев Ержан «Көк тудың желбірегені» әнін орындап берді.