«Қасқыр мен жеті лақ» ертегісінің  театрландырылған музыкалық қойылымы

Ертегілер әлеміне саяхат «Қасқыр мен жеті лақ»

Халықаралық балаларды қорғау күні әлемнің түкпір-түкпіріндегі балаларға қуаныш сыйлайтын мейрам ғана емес, кішкентай балалардың құқығын қорғап, оларға қамқор болуға, әлімжеттік, қысым жасамауға үндейтін мейрам. Қоғамды кемтар, жетім, тұрмысы нашар отбасынан шыққан балаларды қорғауға, қолдауға шақыратын күн.

Бұл мереке балалардың асыға күтетін  мерекесі. Себебі, жыл сайын бұл мерекеде бүлдіршіндерді қуанту үшін іс-шаралар өткізіледі. Осылайша, балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі.

Шын мәнінде балаларымыздың әр күні мереке болуы тиіс. Олардың өмірінің қауіпсіз болуы, соғыстан қорғау, денсаулығын сақтау, болашақ ұрпаққа білім мен тәрбие беру  кез-келген адамның  міндеті болуы керек.

1-маусым күні Халықаралық балаларды қорғау күніне орай Зағип және нашар көретін азаматтарға арналған республикалық кітапхана онлайн форматта «Қасқыр мен жеті лақ» ертегісінің  театрландырылған музыкалық қойылымын кішкентай бүлдіршіндерге  ұсынады.

Кітапханада өткен іс-шараның  мақсаты: балалар тілін дамытуда, олардың өмірге деген көркемдік көзқарастарын қалыптастыруда театрландырылған қойылымдар ерекше рөл атқарады. Балалрдың эстетикалық талғамын, қиялын дамыта отырып, өмірлік оң көзқарастарын тәрбиелеу.

Балалар мерекесіне орай ұйымдастырылған  театрландырылған музыкалық қойылым кітапханамыздың жас мамандары мен Қаскелең қаласының Мәдениет колледжінің оқытушысы Хумарбек Еламанның қатысуымен  рөлдер шебер орындалып, өте әсерлі шықты.

1 -маусым Халықаралық балаларды қорғау күні құтты болсын!Барлығымызға ашық аспан, бейбіт өмір, сәбилерге   бақытты балалық шақ, әрқашанда сыңғырлаған күлкі тілейміз.

                                                                                                                  Жеке қызмет көрсету бөлімі

#қасқырменжетілақ #ертегі