«Олжас Сүлейменов- личность планетарного масштаба» атты библографиялық құрал

Зағип және нашар көретін азаматтарға арналған республикалық кітапхана ақын, жазушы, лингвист, публицист, этнограф, қоғам қайраткері Олжас Сүлейменовтың 85 жылдығына орай «Олжас Сулейменов – личность планетарного масштаба» атты библиографиялық құрал дайындады.

Олжас Сүлейменов – белгілі қазақ жазушысы, ақын, лингвист, публицист, қоғам қайраткері, әдебиеттанушы, ол қазақ әдебиетінің қалыптасуына, жас ұрпақтың ұлттық сана-сезіміне және өз еліне, халқына, тарихына деген мақтаныш сезімін оятып, тәрбиелеуде орасан зор еңбек етті.

Олжас Сүлейменовтың поэзиясының ерекшелігі –көркем образдардың көрнекі көрінісі, ойдың батылдығы, көзқарастардың кеңдігі, қиялдың ұшқырлығы. Оның кітаптары үлкен тиражбен жарық көрді. Ол өз еңбектері арқылы қазақ даласының шекарасын кеңейтті.

Библиографиялық құралға ақынның өмірі мен шығармашылығы туралы қызықты деректер, мақалалары, сұхбаттары енгізілді.

Библиографиялық құралда ақын жайлы елімізде және шетелде өткізілген іргелі іс-шараларға шолулар, мерзімді басылымдарда жарияланған мақалалардың библиографиялық көрсеткіші, оның кітаптарының тізімі және ақынның еңбектері ұсынылған, олар әлемнің әртүрлі тілдерінде: қазақ, орыс, ағылшын, неміс, француз, литва, украин, тәжік, өзбек, татар, башқұрт, әзірбайжан, түрікмен, түрік және басқа да көптеген тілдерде аударылған және шетелдік мерзімді басылымдарда жарияланған.

Библиографиялық құрал «ААЖ-ҚР АК» деректер базасы және «Зағип және нашар көретін азаматтарға арналған республикалық кітапхана» РММ кітап қоры негізінде жасалды, сондай-ақ кітапхананың анықтамалық-библиографиялық аппараты (каталогтар, картотекалар, анықтамалық-ақпараттық қор) пайдаланылды.

Библиографиялық құрал әдебиеттанушыларға, студенттерге және көпшілік оқырмандарға арналған.

Кітапхана  ісін дамыту,

 библиография және тифлология бөлімі