Қазақстан болашағы-халықтар бірлігінде

Сәуір  айының   29-шы  жұлдызында   кітапхананың жеке қызмет көрсету бөлімі1-мамыр – Қазақстан халқының бірлігі күні мерекесі  қарсаңында  «Қазақстан болашағы – халықтар бірлігінде»  атты онлайн  әдеби-сазды кешін өткізді.

 Шараны ұйымдастырудағы мақсатымыз  көп  ұлтты  Қазақстан Республикасының  халықтар  достығы – еліміздің бірлігінің кепілдігі екендігін таныту.  Әр халықтың өнері, оның рухани байлығының негізін  өз ұлтының тілін, дінін біле отырып, өзге ұлттың рухани байлығын сыйлауды, құрметтеуді  насихаттау  болды.

Іс-шара барысында осы айтулы күнге кітапханамыздың қызметкерлері мен белсенді оқырмандары өз құттықтауларын  көп ұлтты Қазақстан халқына арнады.

«Татулық пен  тұрақтылық ел  иесі  ретінде  ең алдымен  қазаққа  керек», — деп Елбасымыз Нұрсұлтан Назарбаев  атап өткендей,  1-ші мамыр мейрамы ортақ тарих, дәстүрмен біріккен біздің көп ұлтты Республикамыз үшін ерекше қымбат. Біздің жерімізде әрқашан бейбітшілік пен ырыс — береке болсын. Бір шаңырақтын астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашанда ынтымақ, бірлік мәңгі жасай берсін демекпіз!