Бақ береке бастауы – әз Наурыз

«Бақ береке бастауы – әз Наурыз»

Ағымдағы жылдың наурыз айының 18-шы  жұлдызында Зағип және нашар көретін азаматтарға арналған республикалық кітапханада Ұлыстың ұлы күні — Наурыз мейрамына орай  «Бақ береке бастауы – әз Наурыз» атты онлайн мерекелік әдеби-сазды кеш өтті. Шараны кітапхана директоры Байұзақов Асхат Құсайынұлы ашып, оқырмандарды Наурыз мейрамымен құттықтады.

Іс-шараның мақсаты:

Наурыз мейрамы барша қазақ үшін басқа этнос өкілдерін қазақтың әдет-ғұрпымен, дәстүрімен, тілімен және т.б. таныстырудың жарқын әрі оңтайлы мүмкіндігі екенін насихаттау.

Кеште кітапхана қызметкері Момбекова Назым «Наурыз көктем»  Баймұратова Нүрия  «Құтты болсын – әз Наурыз», Момбекова Назым мен Баймұратова Нүрия «Ал құрбым» әндерін,  Гизатулина Наталья «Наурыз» атты өлеңін оқып,  Светлана Тоқабаева «Саржайлау» әнін орындаса, күйшілер  Қожахметов Мирас, Бөкебаев Берік күйден шашу шашты. Наурыздағы барша тілектеріңіз қабыл болсын, ақ мол болсын, әр адамның арманы мен мақсаты орындалсын. Ұлыстың ұлы күні құтты болсын,  ағайын!

Аталған шара Елбасы Н.Ә. Назарбаевтың «Ұлт жоспары-100 қадам баршаға арналған қазіргі заманғы мемлекет» бес институттық реформасын жүзеге асыруға бағытталған 100 нақты қадамның «Біртектілік пен бірлік» атты 4-ші бағытының 87-ші қадамы «Менің елім» кең көлемді жобасын қамтыды.

                                                                                                                                               Момбекова Назым,

                                                                                                                                                      өнер және спорт әдебиеттері

                                                                                                                                                       бөлімінің қызметкері