«Сарқылмайтын жылылық, Ана атты – ұлылық»  

https://www.facebook.com/watch/?v=265077301869683

Халықаралық әйелдер күні – ақ жаулықты апалар, ардақты аналар, аяулы қыздардың мерекесі.

Қазақстан қоғамында әйелдер, ең алдымен, аяулы ана, сүйікті жар, кәсіби маман және жауапты лауазым иесі.

Дана халқымызда: «Ана бір қолымен бесік тербетсе, екінші қолымен әлемді тербетеді», «Қыз өссе – елдің көркі» деген қанатты сөздер бар. Бұл сөздер – халқымыздың ежелден әйел затын ардақтай білгенінің айғағы.

Ағымдағы жылдың 5 наурызында Зағип және нашар көретін азаматтарға арналған республикалық кітапханада «Сарқылмайтын жылылық, Ана атты – ұлылық» атты 8 наурыз — Халықаралық әйелдер күніне орай   әдеби-сазды онлайн кеш өтті.

Мерекелік кештің мақсаты:  Барлық нәзік жанды аруларымызға мерекелік көңіл-күй сыйлау. Жастарды мейірімділікке, аналардың өлшеусіз еңбегін бағалай білуге, анасын сүю арқылы еліне деген сүйіспеншілікке тәрбиелеу.

Шараны онлайн форматта кітапхана директоры Байұзақов Асхат Құсайынұлы құттықтап, өз лебізін білдірді.

Мерекелік іс – шара жарқын концерттік бағдарламамен жалғасты: кішкентай оқырманымыз Кыстаубаев Абдуррахман аналарға арналған тілегін жолдаса, Жұмаханов Орынбасардың орындауында «Сағындың ба балаңды  апа?», кітапхана қызметкері Назарова Мөлдір Фредерик Шопен «Вальс»  си минор, Феликс Мендельсон «Песня без слов» фа-диез минор шығармаларын, Федор Зражевский «Я весь мир отдам за нее…» әндерін орындады.

Даржанова Г.Т.,

өнер және спорт әдебиеттері

бөлімінің меңгерушісі