Қазақстан заң ғылымының көрнекті қайраткері — Салық Зиманов

Қазақстан заң ғылымының көрнекті қайраткері — Салық Зиманов Ағымдағы жылдың 17-ші ақпан күні кітапханада отандық заң ғылымының заңғары, академик, Қазақстан Республикасы Конститутциясының ғылыми іргетсына атсалысқан, ел парламентаризмінің дамуына күш-жігер жұмсаған қайраткер Салық Зиманұлы Зимановтың туғанына 100 жыл толуына орай «Қазақстан заң ғылымының көрнекті қайраткері — Салық Зиманов» атты онлайн форматта іс-шараны ұсынады. Мақсаты: отандық заң ғылымның атасы, Қазақстан Республикасы Мемлекеттік сыйлығының, Президенттің бейбітшілік және рухани келісім сыйлықтарының иегері заң ғылымдарының докторы, академик Салық Зимановтың өнегелі өмірін жас ұрпаққа кеңінен насхаттап, үлгі ету. Салық Зиманов еліміздің ұлттық құқықтық жүйесінің қалыптасып, дамуына айрықша үлес қосып, өзінің атын отандық юриспруденцияның тарихына алтын әріптермен жазған тұлға десек артық айтпағандық болар еді. Салық Зимановтың ғылыми-зерттеу еңбектері негінен алғанда, мемлекет пен құқық тарихы мен теориясына Қазақстан мен Орталық Азияның өзге де аймақтарында ұлттық мемлекеттердің қалыптасуы мен даму жолдарына, тәуелсіз қазақ мемлекетінің құқықтық платформасының қалыптасуына және т.б. өте өзекті мәселелерге арналған. Оның өмір жолы – қазіргі уақытта өте сирек құбылысқа айналған, ғылымға адал ғалымның және ары таза мемлекеттік қайраткердің ақиқат бейнесі. Салық Зиманұлы жоғары білікті құқықтанушы ғалымдар мен тәжірибелік заңгер қызметкерлерді дайындау тәрізді аса маңызды салада тынбастан еңбек етті. Ол аса үлкен ғылыми мектепті қалыптастарды, оның шәкірттері қазіргі таңда еліміздің түпкір-түпкірінде, құқық саласының әртүрлі өрістерінде жемісті еңбек етуде. Олардың қатарында ұстаздарының ақ батасымен өздерін ғылыми, ағартушылық және қоғамдық-саяси қызметке арнағандары да жетерлік. Іс-шара барысында Салық Зимановтың өмірі мен қызметі жайында бейнефильм көрсетіліп, кітапхананамыздың белсенді оқырманы, заң ғылымдарының кандидаты, Д.А. Қонаев атындағы университет оқытушысы, заңгер Өміралы Қырғызәліұлы Майбасаров өзі дәріс алған ұстазы Салық Зиманов туралы естеліктерімен бөлісті.