Заң ғылымының алыбы

Зиманов Салық Зиманұлы – заң ғылымдарының докторы, профессор, ҚР ҰҒА академигі, Ұлы Отан соғысының қатысушысы. Академик С.З. Зимановтың қазақстандық заң ғылымына қосқан үлесі шексіз деп айтсақ, қателеспегеніміз. Ол қазақ халқының байырғы әдет құқығын, мемлекеттік және құқықтық жүйесін зерттеп, билер мен шешендердің билік өнерін бүгінгі ұрпаққа жеткізген ғалым. Өзінің ғылыми зерттеу жұмыстарын жүргізу барысында бірнеше буын ғалымдарды дайындады. Осы жылы ғалымның 100 жылдығы атап өтілмек. Осы күнге байланысты Зағип және нашар көретін азаматтарға арналған республикалық кітапхана «Заң ғылымының алыбы» атты виртуалды кітап көрмесін ұйымдастырды.